نفْس

"حين الموت، يتكلم الجميع كلاما لافائدة له .. إلا صاحب الشأن يصمت.."* . . . . . . يا الله، تعلم ما في نفسي وما يعجز لساني عن نطقه.. اللهم اجعل خير أعمالنا خواتمها.. يا رب.. *مقتبس

لكل الناس اللي ضد المتظاهرين أو ضد الاعتصام.. عايزاكم تركزوا في الصورة دي أوي.. أيّا كان موقفكم من الاعتصام، مفيش أي شريعة أو قانون على وجه الأرض تسمح لأي حد إنه يعذب ولاد بلده بالمنظر ده، لمجرد إنه بيطالب بحاجة شايف إنها من حقه، وبشكل سلمي.. أومال لو ماكانش بـشكل سلمي -وده كان عمره ماهيحصل- الرد كان هيكون إزاي؟؟؟؟ علاء كان طالب في خامسة طب جامعة عين شمس............. كل واحد يراجع نفسه.. مش هقول أكتر من كده..

-دكتور، عندي سؤال ملهوش دعوة بال Anatomy -اسألي يا ستي -هو حضرتك برج إيه؟ -(يضحك ببشاشته المعهودة).. أنا يا ستي برج القوس، إنتي بقى برج إيه؟ -حوت يا دكتور -أنا بابايا -الله يرحمه- كان حوت -وأنا بابايا قوس :)  نضحك كثيرا، وعندما أهم بالانصراف، تناديني: استني يا بتاعة الأبراج.. نضحك مرة أخرى، وأختزن تلك اللحظات على قلّتِها في ركن بعيد قريب بالذاكرة، لأسترجعها اليوم عند استقبالي للمساء بخبر وفاتك قبلها بساعات.. رحمة الله عليك يا أستاذي العزيز.. جعلك الله ممن انتفع الناس بعلمه -وهم كثر- فكان لك ذلك صدقة جارية.. جعلك الله مثلا لغيرك في الالتزام وحسن الخلق والتواضع، والبشاشة.. رحمة الله عليك يا د./ هيثم..